Ezer ez egiteko astia hartu
Eta halaxe da. Eta halaxe da Aisialdiko Pedagogiaren oinarrietan ere. Baina horretan lanean ari garenok ere aspaldian ahaztuta dugu. Haur eta gazteekin gaudenean, beti zerbait egiten egon beharra dago. Kontenplazio hutsari beldurra zaio, ezer ere ez egitea denbora galtzea denaren sentsazioa barru-barrurainoi sartuta dugu. Eskolan etengabe egon beharra dago zerbait egiten, etxean beste hainbat,...beti ere etorkizuneko helduaren prestakuntzaren izenean.Aisialdian ere akats berdina egin behar al dugu?
Hemen artikuluaren --lotura--http://paperekoa.berria.info/plaza/2009-11-14/048/001/Maratila._Astia.htm--
Piropo lehiaketak badu irabazlea
Ondoan gauden bi zuhaitz gara eta urte osoa daramat udazkenaren zain, biok batera biluzteko.Euskal Herriko txoko guztietatik jasotako piropo guztien artean Etxalarko Beņat Maia Antxorenak bidalitako piropoa izan da irabazlea. Eskerrik asko parte hartu duzuen guztiei eta zorionak irabazleari.
Udako ikastaroen kronika (I)
Zein hizkuntza hitz egiten du komunikazio gizarteak?. Hiru egunetan komunikazioaren arloan ematen ari diren gizarte aldaketek hizkuntzari dagokionez duten eraginaz jardun dute Donostiako Miramar Jauregian. Bakoitzak bere ikuspegitik, gaiaren alderdi ezberdinak agerian jarri dituzte irakasle lanetan aritu diren adituek.Orain web gunean jarri dituzte ikastaroko material ia guztiak eta kronika
PUNPALANPLANentzat Migel Altzo saria
2008an zehar argitaratuak izan diren ikus-entzunezko ikasmateriala onenaren saria jaso du PUNPALAPLAN DVD-ak audio onenaren atalean.Argitalpen hau txikienengan pentsatzen egin zen, horregatik, jolasak 0-5 urte arteko haurrei zuzenduak daude, nahiz eta jolas eta abesti ugari helduagoentzat ere baliagarriak izan.
Punpalaplan-ek hiru produktu mota biltzen ditu:
* DVD-a: 30 jolas, telebistan edo ordenagailuan ikustekoak, jolas motaren arabera bilaketa egin ahal izateko menuarekin.
* 3. Liburuxka: Gurasoei zuzendutako artikulu bat (Jolasa, hizkuntza jarreretan eta jokabideetan eragiteko bide eraginkorra) eta jolas eta abestien inguruko informazioa.
* CD-a: 30 abesti
Eta azken honek jaso du sari berezi hau (CDak), bertako abestien kalitatea eta ekarpena sarituz. Urtxintxa Eskolak eskerra eman nahi dizkie PUNPALANPLAN argitalpenean parte hartu duten guztiei, aipamen berezia eginaz DVDaren musika atalean Antxon Sarasuak eginiko ekarpenari. Mila esker guztiei.
Udalekuen dekretua gogoratuz
Uda iristear dago, haurrak oraindik eskolan daude, baina egun gutxi barru haurrak kalean taldeka hemendik hara joaten ikusten hasiko gara: taldeka, autobusetara igotzen, herriko igerilekuetara sartzen, egun bereziak ospatzen, hezitzaileen ahalegina ekintzak antolatzen,... Batzuk goizez bakarrik arituko dira auzoko edo herriko udaleku irekietan, baina badira beste batzuk gertuko zein urrutiko aterpeetara egun desberdinetako iraupeneko egonaldiak burutzera joango direnak.Kasu gehienetan badago atzetik antolakuntza lan bat, badago planteamendu pedagogiko bat, antolatzen diren ekintza multzo hauei zentzu bat ematen zaie,...finean, aisialdiko heziketararen oinarrietatik abiatutako ekimenak eta egitasmoak dira. Baina errealitate uka ezina da era berean udalekuen antolatzaile motak asko zabaldu direla, ez dira jadanik aisialdiko elkarteak edo udalak udalekuen antolakuntzaz arduratzen direnak bakarrik. Egun, udaleku izenpean antolatzen diren udako jarduera ugariren atzean kiroldegiak, enpresa pribatuak, kirol taldeak,...daude.
Denek, jakin beharko lukete, oso zaharkitua egon arren, badagoela ekintza hauek guztiak erregulatzen duen Dekretua, eta bertan, legez bete beharreko zenbait aspektu arautzen direla.
Ezagutzen duzu dekretua?
Heziketa eta Hazkuntza: nazioarteko 3. jardunaldiak
Jardunaldiak doanekoak dira eta bertan parte har daiteke Donostiako egoitzan burutuko diren hitzaldietan bertaratuz edota www.laserrada.com web gunearen bidez.Informazio gehiago nahi izanez gero, jardunaldien iragarkia pdf formatuan duzue ikusgai.
SPRAIKADA-n izena emateko epea zabalik
Spraikada hitzordu klasiko bilakatu da dagoeneko euskal graffitigile eta zaletuen artean. Era berean, euskal graffitigintzaren harrobiaren erakusleiho paregabea ere bada Spraikada. Mutrikun izango da aurten buruz burukoa, uztailaren 18an. Buruz burukoan, betiko moduan, hamar graffiti lehiatuko dira, horretarako espresuki gordetako 7 x 2 metroko beste horrenbeste hormatan, 1.500, 1.200 eta 900 euroko sariak eskuratzeko. Aukera paregabea izango da Mutrikun egun pasa egin, graffitiak egiteko prozesua zerotik jarraitu eta graffiteatzen ikasten hasteko ere, tailerrak eta bestelako jarduera osagarriak ere ez baitira faltako.Lehiaketan parte hartzeko, egin nahi den graffitiaren zirriborroa bidali behar da eta hori egiteko epea ekainaren 30era arte dago zabalik. Jasotako lan guztien artean, hamar onenak aukeratuko dira, eta horiexek izango dira Mutrikuko hormetan islatuko direnak. Informazio guztia --hemen--http://www.topagunea.org/gazteak/spraikada-09n-izen-emateko-epea-zabalik-- topatuko duzue.
MADALENA FREIRE EZAGUTU NAHI?
Paz e Terra argitaletxearen bidez, Paulo Freire pedagogo ospetsuaren alaba den Madalenak Educador liburua argitaratu berri du. Liburu honetan erantzun asko aurki genitzake, denak, bere ibilbidearekin eta hausnarketekin zuzenean lotuta daudenak, eta pedagogia aplikatzeko modu desberdinak azaltzen ditu.Madalena Freire 1981. urtetik hezitzaileen formatzaile gida lan egiten du, eta egun, Instituto de Educaįão Superior Prķ-Saber de Rio de Janeiro delakoan egitasmoen koordinatzaile gisa lan egiten du.
Liburu honetako orrialdeetan zehar, mezu argi bat helarazi nahi du: heziketa teoria eta praktikaren arteko etengabeko elkarrizketan oinarritu behar da. Azken finean, bizitza duen eta bizitzari buruz pentsatzen duen hezitzaile batentzat liburua.
Paz e Terra (Telefonoa): (011) 33378399
www.pazeterra.com.br
vendas@pazeterra.com.br
Udako ikastaroak
Hik hasik 10. udako topaketen barruan 30 ikastaro eskaintzen ditu, horien artean, Urtxintxa Eskolako hezitzaileek emango duten 0-5 urteko haurrentzat kantu eta jolasak izeneko ikastaroa. Informazio guztia hemen topatuko duzue.EHUk uda osorako ikastaro ugari ditu. Bat nabarmentzekotan, komunikazio atalean ekainaren 22, 23 eta 24ean egingo den Zein hizkuntza hitzegiten du komunikazio gizarteak aipatuko dugu
Azkenik, UEU-ren eskaintza dugu: Udako ikastaroak jantzi. Eibar, Baiona eta Iruņean izango dira ekainaren 29tik uztailaren 24a arte. 38 ikastaro eskaini dituzte udako ikastaroen 37. edizioan. Informazio osoa hemen
Kurtso bukaerako festarako begiraleak
Festa hau ekainaren 13an izango da, 15:00tatik 17:30tara. Festaren edukiak antolatuak daude, eta guraso elkarteko kideak festa horretan lan egingo luketen begiraleen bila ari dira.Interesatuak zaudetenak, Koldo Izagirrerekin jar zaitezkete harremanetan. Honako telefonoan: 618713082.